Եգիպտոսի մէջ յայտարարուած է եռօրեայ սուգ:


«Ալ Ահլի» ֆութպոլի ակումբի երկրպագուները յայտարարած են, որ 2 փետրուարին Փորթ Սայիտի մէջ տիղի ունեցած անկարգութիւններուն իրենք չեն մասնակցած: Ինչպէս կը հաղորդէ «Արմենփրես»-ը, վկայակոչելով՝ արաբական ahram.org.eg-ը, անոնց խօսքով երկրպագուները օգնութիւն ցոյց տուած են մահացածները եւ վիրաւորները տեղափոխելու հարցով: Անկարգութիւնները սկսած են «Ալ Միսրի»»-«Ալ Ահլի» հանդիպումի աւարտէն ետք, որուն հետեւանքով զոհուած են տասնեակ մարդիկ: Եգիպտոս յայտարարած է եռօրեայ սուգ:

«Իրականութիւնները ընդունելու փոխարէն, չմեծցող երեխաներու նման կը նախընտրենք զանոնք ժխտել»: ըսած է վերլուծաբանը:


Ամերիկացի նշանաւոր գրող Փօլ Օսթեր օրեր առաջ յայտարարած էր, որ Թուրքիա պիտի չ՛այցելէ, որովհերեւ այդ երկրին մէջ չկայ խօսքի ազատութիւն, եւ այս օրերուն, մեծ թիւով լրագրողներ կը գտնուին բանտերու մէջ: Ի պատասխան այս յայտարարութեան, Էրտողան «անգրագէտ» անուանած էր Օսթերին եւ ըսած էր, որ իր այցելութիւնը Թուրքիոյ բնաւ չի հետաքրքրեր: Թուրք վերլուծաբան Ճունէյթ Օզտեմիրի խօսքերով, ամերիկացի գրողի յայտարարութիւնը ճիշդ է: Ան ցաւով նշած է, «Մեր օրերուն, շատ թուրք լրագրողներ կը ձերբակալուին, որմէ ետք անոնք կը մեղադրուին այս կամ այն կազմակերպութեան աջակցելու յանցանքով: Ժխտողականութիւնը դարձած է երկրի պաշտօնական քաղաքականութեան գործերէն մէկը: Իրականութիւնները ընդունելու փոխարէն, չմեծցող երեխաներու նման կը նախընտրենք զանոնք ժխտել»: ըսած է վերլուծաբանը:

Իրան յայտարարած է հետազօտական արբանեակի արձակման մասին:


Իրանի մէջ յաջողութեամբ արձակուած է «Նավիտ» հետազօտական արբանեակը: Ինչպէս կը տեղեկացնէ «Արմենփրես»-ը, այս մասին հաղորդած է Agence France Press-ը, վկայակոչելով՝ Իրանի «Ալ Ալամ» արբանեակային հեռուստաալիքը: Արբանեակի առաքելութեան նպատակը՝ Երկրի մակերեւոյթը ուսումնասիրելն է: