Ադամը յաջորդաբար 5 օր ուշ կու գայ տուն: Եւան կը սկսի կասկածիլ... 6-րդ օրը երբ Ադամ ուշ կու գայ, Եւան կ’որոշէ հարցնել անոր այս ուշացումներու մասին:

Փիլիսոփայ Ֆոնթէն շատ յաճախ ներկայ կ՛ըլլար Մատամ Տի Թէնսանի պանդուկը, ուր կը յարգուէր: Իրիկւոն մը տիկին մը կը հարցնէ իրեն.

- Ի՞նչ տարբերութիւն կը տեսնէք իմ եւ պատի այս ժամացոյցին միջեւ:

 Ֆոնթէն քմծիծաով կը պատասխանէ.

- Մատամ ... ժամացոյցը մեզի կը յիշեցնէ ժամը, իսկ դուք կը մոռցնէք զայն:

***

Կեանքի եւ գործի մէջ յաջողած գործարարին կը հարցնեն իր յաջողութեան գաղտնիքը:

- Միշտ եւ մինչեւ հիմա 15 վայրկեան առաջ պատրաստ եղած եմ ժամադրութիւններուս:

***

Կ՛ըսուի, թէ շուն մը շոգեկառքի երկաթուղիներու շատ մօտ կը նստի, շոգեկառքը անցած ատեն պոչը կը կտրուի, շունը բարկացած գլուխը դարձնելով կ՛ուզէ խածնել շուեկառքը ու հազիւ գլուխը կ՛երկարէ, յաջորդ վակոնը անոր գլուխը կ՛անջատէ:

Մէկը ըսած է. կտոր մը պոչի համար գլուխդ մի կորսնցներ...:

***

Ինչ ալ ըլլան հիւանդութիւններուն ցաւերը, որ կը զգաք ձեր մարմնին վրայ, այս օրերու ցաւերը կեդրոնացած են մէկ տեղ ... ձեր գրպանին մէջ:

***

Կարծիքներու անհամաձայնութիւնը պէտք չէ թշնամութեան վերածուի, այլապէս ես ու կինս ամենաոխերիմ թշնամիներ պէտք է ըլլայինք:

 

Քաղեց` ՏԻՐԱՆ Գ. ՍԱՐԳԻՍԵԱՆ

Դպրոցական հանդէսի մը վերջաւորութեան հայր մը փոքրիկ տղուն ձեռքը բռնած կը մօտենայ գեղեցիկ ուսուցչուհիին.