ՙԽօսէ՛ Ինծի Հայ Եկեղեցիի Մասին՚ գրքոյկը ինչո՞ւ գրեցի: Բոլոր եկեղեցիները կը գնահատեմ ու կը յարգեմ, որովհետեւ բոլո՛րն ալ Քրիստոսի Եկեղեցիներն են: Բայց իմ հա՛յ Եկեղեցիս յատուկ կը մե֊ծարեմ ու անով կը հպարտանամ, որովհետեւ կը խորհիմ, թէ ինչ որ իմ Եկեղեցիս ընձեռնած է հայ ազգին, ուրիշ ո՛չ մէկ Եկեղեցի չէ կատարած իր ժողովուրդին համար: Ահա թէ ինչու ՙԽօսէ՛ Ինծի Հայ Եկեղեցիի Մասին՚ գրքոյկը բաղկացած է էջերէ, որոնք արտայայ֊տութիւնն են Հայ Եկեղցիին հանդէպ իմ ըմբռնումներուս, իմ գուր֊գուրանքիս ու իմ յոյսերուս:

ՙԽօսէ՛ Ինծի Հայ Եկեղեցիի Մասին՚ գիրքը կը հանդիսանայ նաեւ հրաւէր մը Հայ Եկեղեցիին մասին միասնաբար մտածելու, միատեղ խորհելու, զայն վերլուծելով, զայն սրբագրելով դարերուն բերած մարդկային աղտերէն, հուսկ` զայն միասնաբար պաշտպանելու եւ մանաւանդ... զայն միասին սիրելու:

ՙԽօսէ՛ Ինծի Հայ Եկեղեցիի Մասին՚ գրքոյկը հայերէն գրեցի, որովհետեւ նախ եւ առաջ` հարկ է որ հա՛յը իր Եկեղեցին ճանչնայ: Զայն յատկապէս գրեցի իմ ազգիս աշխարհականներուն քան թէ եկեղեցականներուն համար: Եկեղեցին կը բաղկանայ ո՛չ միայն եկե֊ղեցականներէն, այլ նաեւ ձեզմէ իւրաքանչիւրէն, ո՛վ աշխար֊հական֊ներ, եթէ դուք ձեզ արժանաւոր կը զգաք ձեր Եկեղեցիին պատկա֊նելու:

ՙԽօսէ՛ ինծի Հայ Եկեղեցիի մասին՚ գրքոյկին իւրաքանչիւր գլուխը յօրինած եմ հետեւեալ տրամաբանութեան հիման վրայ: Եկեղեցիի մը նպատակակէտը ու արդարացուցիչ գոյապատճառը` Աստուա՛ծ է եւ անդենականի մը գոյութիւնը: Ուստի անոր էջերուն մէջ նախ խօսած եմ թէ ո՞վ Աստուած, ի՞նչ է անդենականը, ի՞նչ է կրօնը:

Ես իրաւացիօրէն հպա՛րտ ըլլալու եմ ո՛չ միայն որովհետեւ եկե֊ղեցական մըն եմ, այլ մասնաւորաբար հա՛յ Եկեղցիին ծառայող մըն եմ:

Այս երեկոյ, դուք իմ մէջս կը մեծարէք ո՛չ թէ անձս, այլ Ազգս ու Եկեղեցիս: Այս Ազգն ու այս Եկեղեցին ինձմէ առաջ` գնահատանքի արժանի ուրիշ շատ զաւակներ տուած են եւ պիտի տան, միայն թէ Աստուած զանոնք գնահատող մարդիկ ալ յարուցանէ, ինչպէս որ դուք էք այս երեկոյ` այս սրահին մէջ:

Ուստի ... շնորհակալութիւն...:

Շնորհակալութիւն` նախ Ամեն. Հոգեւոր Տիրոջ իր անձամբ ներկա֊յութեան համար:

Յատուկ շնորհակալութիւն Հայկազեան Համալսարանի նախա֊գահ` Վեր. Դոկտոր Փօլ Հայթոսեանին ու... իմ աշակերտիս:

Շնորհակալութիւն իմ զինակից եղբօրս Սարգիս Նաճարեանին:

Շնորհակալութիւն զիս պատուող մամլոյ եւ լրատուական միջոց֊ներու ներկայացուցիչներուն, ինչպէս նաեւ հոս ներկայ բոլոր հոգե֊ւորական եւ աշխարհական սիրելի հին եւ նոր անձերուն:

Հուսկ շնորհակալութիւնս ՀԿՀՄ-ի  իւրաքանչիւր անդամ-անդա֊մուհիներուն` անոնց կատարած մեղուաջան աշխատանքին համար:

Եւ վերջապէս` շնորհակալութիւն ՀԿՄ-ի Արարատեան սրահի պատասխանատուներուն

Ձեր բոլորին վարձքը կատար...: