Թէեւ մեր մոլորակին վրայ բնակող ժողովուրդները իրենց ուշադրու֊թիւնը կեդրոնացուցած են քաղաքական խնդիրներու վրայ, սակայն մէկէ աւելի վտանգաւոր տագնապներ պէտք է մտահոգեն աշխարհի ղե֊կավարները եւ ժողովուրդները:

ԱՄՆ-ու ովկիանոսային եւ մթնոլորտային կանխատեսումներու գործակալութեան հաղորդումով, արեգակնային ժայթքումի ալիքը լուրջ վտանգ կրնայ ներկայացնել յատկապէս բեւեռային թռիչքներ կատարող ինքնաթիռներուն համար, ինչպէս նաեւ՝ նաւերու, որոնք կը գտնուին բեւեռամերձ շրջաններուն մէջ:

Երկրի վրայ փրոթոններու, էլէքթրոններու եւ ծանր մետաղներու հոսքերու տեսքով հերթական փոթորիկ կը սպասուի: Ասոնք արտանետուած են արեւէն՝ զօրաւոր բռնկումի հետեւանքով: Ամերիկացի գիտնականներու գնահատումով, արեւային հոսքը երկրին կը հասնի այսօր, 24 յունուար 2012-ին, Երեւանի ժամով՝ 18:00-ին: Փոթորիկի մակարդակը երկրի վրայ կը գնահատուի «չափաւոր կամ ուժեղ»: ԱՄՆ-ու տիեզերական կլիմայի կանխատեսման կեդրոնը յայտնած է, որ նախնական տեղեկութիւններով, 24-25 յունուարին, փլազման հզօր մաքնիսական հարուած կը հասցնէ Հիւսիսային բեւեռին:

Երբ յոգնած էք կամ սպառած` գործադրեցէք հետեւեալ առաջարկներէն մէկը:

Մարդու արեան խումբը կը համարուի այն բանալին, զոր գիտնալով կրնանք կրահել անհատի մը առանձնայատկութիւնը, որպէսզի պահպանենք անոր առողջութիւնը, երկարակեցութիւնը, Ֆիզիքական աշխուժութիւնն ու մարմնի կշիռքի կարքաւորումը առանց որեւէ սննդականոնի հետեւելու: