Ֆիլիփինի մէջ անյայտ կորած են աւելի քան 1000 անձեր:

23 հոկտեմբերին եւ 9 նոյեմբերին Վանի մէջ տեղի ունեցած երկրաշարժներէն ետք, 35 հազար մարդ հեռացած է:

Վանէն 27 քլմ. իսկ Վանայ Լիճէն 7 քլմ. հեռաւորութեան վրայ գտնուող գիւղի մը մէջ 7,4 քլմ. խորութեան վրայ, 4,3 մկնթ. ուժգնութեամբ երկրաշարժ եղած է:

Ռուսաստանի նախագահ Մետվետեւ, այսօր 22 դեկտեմբերին դիմած է երկրի խորհրդարանին, առաջարկելով որ հանրային հեռուստատեսութիւն ստեղծուի Ռուսաստանի մէջ:

Դեկտեմբերի սկիզբէն, Հնդկաստանի մէջ, ցուրտի պատճառով մահացած է 100 անձ:

Վրաստանի նախագահ Միխայէլ Սահակաշվիլին իր ծննդեան օրը կախաղան նուէր ստացած է: Այս շարժումը կազմակերպողները նախագահի նստավայրին դիմաց կանգնեցուցած են կախաղանը՝ «Փճացնենք Միխայէլ Սահակաշվիլիի ծննդեան օրը կարգախօսով»:

Ամերիկեան «Apple» ընկերութեան հիմնադիր Սթիվ Ճոպսը յետ մահու արժանացած է ԱՄՆ ձայնագրութեան ազգային ակադեմիայի հոգաբարձուներու խորհուրդի պատուաւոր «Կրէմի» մրցանակին:

Թուրքիոյ մարդու իրաւունքներու միութեան Ստամպուլի ցեղապաշտութեան եւ խտրականութեան դէմ յանձնաժողովի կողմէ տարածուած յայտարարութեան մէջ կ՛ըսուի, թէ մարդկութեան դէմ իրականացուած յանցանք համարուող Ցեղասպանութեան ժխտումը չի կրնար համարուիլ խօսքի եւ մտքի ազատութիւն:

ԱՄՆ.ու մէջ, ծագումով չինացի գիտնական Հուանին դատապարտած են 7 տարուան ազատազրկման՝ Չինաստանի օգտին արտադրական լրտեսութիւն իրականացնելու համար:

Հ.Հ. բնապահպանութեան նախարար Արամ Յարութիւնեան յայտնած է, թէ անցնող տարի բնապահպանական ամենամտահոգիչ հարցը եղած է ձկնագողութիւնը: