Կառավարութեան գումարած նիստին ընթացքին նախագահ Սըլէյ֊ման շեշտեց, որ անհրաժեշտ է լիբանանցի քաղաքացիներուն առօրեային վերաբերող հարցերը չքաղաքականացնել, այլ անոնց յարմար լուծումներ գտնել:

Կառավարութիւնը մէկ տարիով երկարաձգեց բջիջային հեռաձայ֊նի ընկերութիւններուն` ՙԱլֆա՚-ի եւ ՙԷմ. Թի. Սի. Թաչ՚-ի աշխա֊տանքը նկատել տալով, որ տուեալ ընկերութիւնները ընդունած էին հաղորդակցութեան միջոցներու նախարարութեան պայմանները:

Կառավարութիւնը քննարկեց նաեւ ելեկտրական հոսանքի տագ֊նապին հարցը, ապա նախագահ Սըլէյման ընդգծեց, որ Լիբանանի ելեկտրականութեան ընկերութեան նախագահը պէտք է նշանակուի ըստ կարգի ու կանոնի եւ ոչ թէ քմահաճոյքի:

* Վարչապետ Նեժիպ Միքաթի ընդունեց Լիբանանի մէջ Եգիպտո֊սի դեսպանը, որուն հետ քննարկեց Լիբանանը յուզող իրադարձու֊թիւններ:

*  Խորհրդարանի նախագահ Նեպիհ Պըրրի ընդունեց ընկերային հարցերու նախարար Ուաէլ Ապու Ֆաուրը, որուն հետ քննարկեց լիբանանեան իրադարձութիւններ:

* Ուժանիւթի եւ ջուրի հարցերու նախարարութիւնը հրապարակեց վառելանիւթի նոր սակացոյցը, որուն համաձայն 98 օքթան պենզինի թիթեղին սակը արձանագրած է 400 լ. ոսկիի, իսկ 95 օքթան պենզինի սակը 500 լ. ոսկիի յաւելում: