Շուէտի խորհրդարանի պատգամաւորներու խումբը Նոպելեան խաղաղութեան կոմիտէ դիմած է յայտնի թուրք իրաւապաշտպան, «Պելկէ» հրատարակչութեան սեփականատէր Ռակըպ Զարաքօլուին Նոպելեան մրցանակի առաջադրելու առաջարկով:

Շուէտական պատգամաւորներու դիմումին մէջ կ՛ըսուի, որ Ռակըպ Զարաքօլուն Հայոց Ցեղասպանութեան եւ քրտական հիմնահարցի վերաբերեալ նիւթեր հրապարակած է:

Զարաքօլուն, որ Քիւրտիստանի Ընկերութիւններու Միութեան գործի շրջագիծէն ներս հսկողութեան տակ կը գտնուի, իր փաստաբանին միջոցով Թուրքիոյ խորհրդարանի ղեկավարութեան նամակ յղած է Հայոց Ցեղասպանութիւնը ճանչնալու կոչով: