ԱՖՓ լրատու գործակալութիւնը կը հաղորդէ, որ Ֆրանսայի նախագահ Նիքոլա Սարքոզի Հայոց Ցեղասպանութեան ժխտումը պատժող նոր օրինագիծ պիտի ներկայացնէ, եթէ Ֆրանսայի դատական գերագոյն մարմինը մերժէ Ցեղասպանութիւններու հերքումը քրէականացնող օրինագիծը:

Ֆրանսայի նախագահ Նիքոլա Սարքոզի նախազգուշացուցած է, որ եթէ Հայոց Ցեղասպանութեան ժխտումը քրէականացնող օրինագիծը չեղեալ նկատուի, ապա Ողջակիզումի ժխտումը քրէականացնող օրինագիծին դէմ դիմում պիտի ներկայացուի:

Ֆրանսական «Լը Մոնտ» օրաթերթը կը հաղորդէ, որ Ֆրանսայի նախագահ Նիքոլա Սարքոզի դժգոհութիւն արտայայտած է ֆրանսացի ծերակուտականներու կողմէ Հայոց Ցեղասպանութեան ժխտումը քրէականացնող օրինագիծի որդեգրումը վիճարկելու համար Սահմանադրական խորհուրդ դիմելու առնչութեամբ:

ԱՄՆ-ու եւ Վրաստանի նախագահներ Սահակաշվիլի եւ Օպամա 30 յունուարին Ուաշինկթընի մէջ կայացած հանդիպումին ընթացքին մանրամասն քննած են Ռուսաստանի հետ կապուած հարցերը: Այդ մասին այսօր, 1 փետրուարին յայտարարած է Վրաստանի Անվտանգութեան խորհուրդի նախագահ Գէորգի Պոքերիան: «Ի հարկէ մանրամասն քննարկուած են Ռուսաստանի հետ յարաբերութիւններու հետ կապուած հարցերը: Հնարաւոր չէ խուսափիլ այն իրավիճակէն, որուն մէջ կը գտնուի Վրաստանը եւ ԱՄՆ-ու կողմէ Վրաստանին տրամադրուող օգնութեան պայմաններէն», ըսած է ան:

Թուրքիոյ վարչապետ Ռեճեփ Թայիփ Էրտողան «Արդարութիւն եւ զարգացում» կուսակցութեան նահանգային կառոյցներու ղեկավարներուն հետ հանդիպումի ընթացքին, խօսած է նաեւ Ֆրանսայի Սահմանադրական խորհուրդի կողմէ ցեղասպանութիւններու ժխտումը քրէականացնող օրինագիծի քննարկման թեմային: Թրքական Hurriyet-ի փոխանցումով, Էրտողան նշած է, թէ խօսքի եւ մտքի ազատութիւնը սահմանափակող այդ օրինագիծը կը վնասէ երկու երկիրներու յարաբերութիւններուն եւ Ֆրանսայի արժէքային համակարգին մէջ մեծ վէրքեր կը բանայ: «Յոյսով եմ, որ Ֆրանսայի Սամանադրական խորհուրդը ողջախոհ վերաբերում ցոյց կու տայ Ֆրանսայի արժէքներուն եւ Եւրոպայի սկզբունքներուն հակառակ չի գործեր», ըսած է Թուրքիոյ վարչապետը:

Թուրքիոյ ուժանիւթի նախարարութեան պաշտօնական ներկայացուցիչը յայտարարած է, որ Անգարան որոշած է դադրեցնել «Նապուքօ» կազային նախագիծին իր «ամբողջական» աջակցութիւնը, եւ այսուհետեւ իրեն համար առաջնահերթութիւն կը համարէ «Անդրանատոլիական կազատար» նախագիծը:

Մինչ իր ամերիկացի, բրիտանացի եւ ֆրանսացի պաշտօնակիցները Նիւ Եորք կը գտնուէին, ապահովական նիստէն բացակայող Ռուսիոյ արտաքին գործոց նախարար Սերկէյ Լաւրով յայտարարեց, որ ՄԱԿ-ի Ապահովութեան խորհուրդը Սուրիոյ մէջ զինուորական որեւէ միջամտութիւն պիտի չվաւերացնէ՝ աւելցնելով, որ «ես այդ մէկը կ՛երաշխաւորեմ»:

Ազրպէյճանի մէջ Թուրքիոյ դեսպան Հուլուսի Քըլըճ յայտնած է, որ Փարիզ առայժմ ոչ թէ ԵԱՀԿ-ի Մինսքի խմբակի կազմին մէջ միջնորդ է, այլ՝ «հակամարտող երկիրներէն մէկուն աջակցող կողմ»: «Իսկ ատիկա որեւէ միջնորդական դիւանագիտութեան մէջ անթոյլատրելի է», ընդգծած է ան: Մօտ օրէն Թուրքիա ԵԱՀԿ-ի, ինչպէս նաեւ այլ միջազգային կազմակերպութիւններու ծիրին մէջ միջնորդական առաքելութեան կազմին մէջ Ֆրանսայի գործունէութեան դադրեցման հարցը պիտի բարձրացնէ: «Մենք աշխատանք պիտի տանինք այդ ուղղութեամբ: Եթէ Ֆրանսան ինքզինք կը յարգէ, պէտք է Մինսքի խմբակի կազմէն դուրս գայ», ըսած է Քըլըճ:

Ազրպէյճանական «1նիուզ.ազ» կայքէջը կը հաղորդէ, որ Ազրպէյճանի մէջ Թուրքիոյ դեսպան Հուլուսի Քըլըճ Թուրքիոյ եւ Ազրպէյճանի միջեւ դիւանագիտական յարաբերութիւններու հաստատման 20-ամեակին նուիրուած խորհրդաժողովին ընթացքին յայտարարած է, որ Հայոց Ցեղասպանութեան ժխտումը քրէականացնող օրինագիծին որդեգրումով Ֆրանսա իր անարդար դիրքորոշումը ցոյց տուաւ: Քըլըճ աւելցուցած է, որ Փարիզ առայժմ ոչ թէ ԵԱՀԿ-ի Մինսքի խմբակի կազմին մէջ միջնորդ է, այլ՝ «հակամարտող երկիրներէն մէկուն աջակցող կողմ»: «Իսկ ատիկա որեւէ միջնորդական դիւանագիտութեան մէջ անթոյլատրելի է», ընդգծած է ան:

Իրանի կրօնական առաջնորդի ռազմական հարցերու խորհրդական ժեներալ Եահիա Ռահիմ Սաֆավին յայտարարած է, որ Սուրիոյ համար խնդիրներ ստեղծելու նպատակով, Թուրքիան Քաթարի ղեկավարութենէն մեծ գումարներ առած է: Սաֆավին խստօրէն քննադատած է Թուրքիան եւ որոշ արաբական երկիրներ՝ Սուրիոյ նկատմամբ ունեցած իրենց դիրքորոշման համար, եւ նշած է, որ այդ երկիրները Դամասկոսի դէմ նման վարք կը ցուցաբերեն ԱՄՆ-ու ճնշումներուն տակ: