Երեքշաբթի 31 Յունուար 2012-ի առաւօտուն Ն.Ս.Օ.Տ.Տ. Արամ Ա. Կաթողիկոսին այցելեց Լիբանանի մօտ Հայաստանի դեսպան Տիար Աշոտ Քոչարեանը: Հանդիպումը առիթ մը եղաւ անդրադառնալու Փետրուար ամսուայ վերջաւորութեան` 23-25 Փետրուար 2012-ին, Անթիլիասի Մայրավանքին մէջ տեղի ունենալիք Ցեղասպանութեան Միջազգային համագումարին, Թուրք Արտաքին Գործոց Նախա֊րարին վերջերս Լիբանան տուած այցելութեան, ինչպէս նաեւ Հայաստան-Սփիւռք յարաբերութեանց առընչուած հարցերուն:

Այս առիթով Վեհափառ Հայրապետը ջերմօրէն ողջունեց Հայաստանի բանակին կազմութեան 20-ամեակը եւ գնահատեց բանակին վճռական դերը` Հայաստանի պաշտպանութեան ու հզօրացման աշխատանքներուն մէջ: