«Ակօս» թերթի հայազգի խմբագրապետ Հրանդ Տինքի սպանութեան գծով հերթական դատական նիստէն առաջ, դատարանին դիմաց հաւաքուած են «Հրանդի ընկերները»՝ պահանջելով արդար դատավարութիւն: Ներկաները պարզած են «Հրանդի համար, արդարութեան համար», «Բոլորս Հրանդ ենք», «Բոլորս հայ ենք» կարգախօսները:

«Ակօս» թերթի հայազգի խմբագրապետ Հրանդ Տինքի դատավարութեան աւարտի օրը այսօր, 17 յունուար 2012-ին, դատական գործընթացին մէջ հետաքրքրական զարգացում մը ի յայտ եկած է, որ կրնայ փոխել յիշեալ գործընթացը:

Թրքական ազգայնամոլական շրջանակներու կողմէ 19 յունուար 2007-ին դաւադրաբար ապաննուած Ստամպուլի «Ակօս» թերթի հայազգի խմբագրապետ Հրանդ Տինքի սպանութեան գործով 5 տարի շարունակուող դատավարութիւնը կ՛աւարտի 17 յունուարին՝ դատավճիռի հրապարակումով: Այս մասին կը հաղորդէ թրքական «Radikal» թերթը: Թերթի աղբիւրներէն մէկը յայտնած է, որ 17 յունուարին դատալսման ժամանակ ներկայ պիտի գտնուին Հրանդ Տինքի գործով զբաղող բոլոր դատաւորները: Տինքի փաստաբաններուն կարծիքով դատավարութիւնը պէտք է շարունակուի՝ իրենց կողմէ ներկայացուած նոր ապացոյցներու ուսումնասիրութեան համար:

Թուրքիոյ դպրոցներուն մէջ կը շարունակուին հայերու հանդէպ թշնամութիւն սերմանող իրադարձութիւններ տեղի ունենալ: Այս անգամ Ստամպուլի Պաքըրքիոյ թաղամասին վրայ գտնուող հայկական Թաթեան դպրոցի աշակերտներուն, քննութեան ժամանակ հաստատակամ ձեւով ներկայացուցած են «հայերու կատարած դաժանութիւնները» արտայայտութիւնը եւ հարցում պատրաստած են այդ ուղղութեամբ:

Ստամպուլի »Ակօս» թերթի խմբագիր Հրանդ Տինքի ընկերները երթ մը պիտի կազմակերպեն՝ անոր մահուան 5-րդ տարելիցին կապակցութեամբ 19 յունուար 2012-ին: Խումբը իր յայտարարութեան մէջ կոչ ըրած է պատժել անոնց, որոնք կազմակերպած են դաւադրութիւնը եւ Տինքի սպանութիւնը:

Ստամպուլի մէջ «Ակօս» շաբաթաթերթի գլխաւոր խմբագիր Հրանդ Տինքի սպանութենէն 5 տարի անց, յանցագործութեան իրական մեղաւորներուն դէմ ուղղուած ապացոյցերը կը պահուին: Այս մասին Today’s Zaman-ի հետ իր ունեցած հարցազրոյցին ընթացքին հաղորդած է Տինքի ընտանիքի փաստաբանը, որ դատավարութեան ընթացքին ներկայացած է իբրեւ գլխաւոր փաստաբան: Ան նշած է, որ ոստիկանութեան հետաքննութեան արդիւնքները կը հակասեն, որովհետեւ այդ օր ոչ մէկ հեռախօսազրոյց յայտնաբերուած է կասկածեալներուն մօտ, իսկ Տինքի ընտանիքի փաստաբանները յայտնաբերած են 5 բջիջային հեռախօսահամարներ, որոնք կը պատկանին այն անձերուն, որոնք դէպքի օրը ներկայ գտնուած են յանցագործութեան վայրին մէջ:

Հ. Հ. Նախագահ Սերժ Սարգսեան Արմաւիրի մարզ կատարած աշխատանքային այցի ընթացքին, այցելեց Վանանդ համայնքի միջնակարգ դպրոցը, որուն մասնաշէնքերէն մէկը վերջերս վերանորոգուեցաւ: Վանանդի դպրոցի տնօրէն Հայկ Խաչիկեան նշած է, որ վերանորոգումը կատարուած է ընկերային ներդրումներու հիմնադրամի եւ համայնքի միջոցներով: Անոր խօսքով, ներկայի պայմաններով դպրոցը կրնայ քաղաքակիրթ հնարաւորութիւններ ապահովել իր 140 աշակերտներուն եւ 22 ուսուցիչներուն համար:

Այսօր Անթիլիասի Մայրավանքին մէջ Ն.Ս.Օ.Տ.Տ. Արամ Ա. Կաթողիկոսի նախագահութեամբ տեղի ունեցան շարք մը միջ-եկեղեցական խորհրդակցութիւններ:Արծարծուեցան Միջին Արեւելքի մէջ քրիստոնէութեան ներկայութեան, Միջին Արեւելքի Եկեղեցիներու Խորհուրդի յառաջիկայ աշխատանքներուն եւ Քրիստոնեայ-Իսլամ երկխօսութեան առնչուած շարք մը հարցեր:

Հ.Հ. վարչապետ Տիգրան Սարգսեան ցաւակցական հեռագիր յղած է ԽՍՀՄ հերոս հետախոյզ Գէորգ Վարդանեանի մահուան կապակցութեամբ նշելով, որ Վարդանեան իր գործունէութեամբ բեկանեց համաշխարհային նորագոյն պատմութեան ընթացքը, անմնացորդ ծառայելով իր պետութեան: