Մեծի Տանն Կիլիկիոյ կաթողիկոսութիւնը կը կազմակերպէ Հայկա֊կան Ցեղասպանութեան նուիրուած համագումար մը` «Ճանաչումէն Հատուցում» խորագիրով:

Համագումարին պիտի մասնակցին միջազգային ճանաչում ունե֊ցող համալսարաններու Միջազգային օրէնքի ու ցեղասպանութեան մասնագէտներ, ինչպէս նաեւ յատուկ հրաւիրեալներ:

23-25 Փետրուարին տեղի ունենալիք սոյն համագումարին բա֊ցումն ու փակումը պիտի կատարէ Արամ Ա. կաթողիկոս:

Հրաւիրեալ դասախօսներու շարքին են Լոնտոնէն (Անգլիա)` փրոֆ. Մալկոսիա Ֆիթցմորիս, Ֆլորիտայէն` (Միացեալ Նահանգներ) փրոֆ. Ֆերնանտօ Թեսըն, Ուաշինկթընէն` (Միացեալ Նահանգներ) փրոֆ. Ռիչըրտ Ուիլսըն, Շուէտէն` փրոֆ. Օվէ Պրին, Սիտնիէն (Աւստրալիա)` փրոֆ. Մարք Ֆինտլէյ, Ժընեւէն (Զուիցերիա)` փրոֆ. Վերա Կոլընտ-Տապաս, Օթթաուայէն (Գանատա)` փրոֆ. Փաթրիք Տամպերի, Ֆրանքֆուրթէն (Գերմանիա)` փրոֆ. Ռէյնըր Հոֆման, Լոնտոնէն` փրոֆ. Մարինա Գիւրջեան, Պէյրութէն (Լիբանան)` դոկտ. Օհաննէս Կէօքճեան, Փարիզէն (Ֆրանսա)` փրոֆ. Վահէ Թաշճեան, Անգարայէն (Թուրքիա)` փրոֆ. Սայիտ Չեթինօղլու, Ամերիկայի Հայ Դատի յանձնախումբի ատենապետ Քէնեթ Խաչիկեան եւ միջազ֊գային իրաւունքի յայտնի այլ մասնագէտներ: